जिल्ला समन्वय समितिको कार्यालय
सिन्धुपाल्चोक, नेपाल
२०८१ पौष ६ गते शनिबार
सिन्धुपाल्चोक, नेपाल
जिल्ला समन्वय समितिको कार्यालय सिन्धुपाल्चोकको आयोजनामा जिल्लाका सबै सरकारी कार्यालयहरुको आर्थिक वर्ष २०८०।८१ को अर्धवार्षिक प्रगति समिक्षा तथा बजेट कार्यान्वयनसम्बन्धमा अन्तरक्रिया कार्यक्रम सम्पन्न भएको छ । वागमती प्रदेश सरकारका माननीय वन तथा वातावरण मन्त्री मसिना खड्काज्यूको प्रमुख आतिथ्यता र जिल्ला समन्वय प्रमुख श्री बालकृष्ण श्रेष्ठको अध्यक्षतामा कार्यक्रम सम्पन्न गरिएको छ ।
कार्यक्रममा जिल्लाका सबै सरकारी कार्यालयका कार्यालय प्रमुखहरु तथा स्थानीय तहका प्रमुख प्रशासकीय अधिकृतहरुले आ आफ्नो निकायको हालसम्मको प्रगति अवस्था तथा बजेट कार्यान्वयनका सम्बन्धमा परेका समस्याहरु र तिनको समाधानका लागि जिल्ला समन्वय समिति, सम्बन्धित स्थानीय तह तथा अन्य कार्यालयहरु र संघीय तथा प्रदेश सरकारले गर्नुपर्ने समन्वय र सहजीकरणका सम्बन्धमा विषयहरु उठान गर्नुभएको थियो ।
